Народны тэатр эстрадных мініяцюр “Штрых” рыхтуецца да ўдзелу у абласным аглядзе-конкурсе аматарскіх тэатральных калектываў “У далонях маёй Беларусі”
10 лютага народны тэатр эстрадных мініяцюр “Штрых” прыме ўдзел у абласным аглядзе-конкурсе аматарскіх тэатральных калектываў “У далонях маёй Беларусі”, які арганізуе ўстанова культуры “Магілёўскі абласны метадычны цэнтр народнай творчасці і культурна-асветнай работы”. Галоўнай мэтай агляда-конкурса з’яўляецца захаванне і развіццё тэатральных традыцый Магілёўскай вобласці, выяўленне новых творчых калектываў тэатральнага жанру.
Прыкметна, што ў гэтым годзе рэжысёрам конкурснай работы і ўвогулле народнага тэатра эстрадных мініяцюр “Штрых” з’яўляецца малады спецыяліст районага Дома культуры, выпускніца Магілёўсага дзяржаўнага каледжа мастацтваў – Дегцярёнак Інна Аляксандраўна. Нягледзячы на тое, што перед ёй была пастаўлена даволі адказная задача, дзяўчына з энтузіязмам займаецца пастаноўкай дадзенай работы. Зараз адбываюцца апошнія, генеральныя репетыцыі.
Для конкурсу Інна Аляксандраўна абрала ўрывак з п’есы “Лялькі” беларускага драматурга Васіля Ткачова. Падзеі, апісаныя ў творы адбываюцца ў перыяд Вялікай айчыннай вайны. Рэжысёр пастаноўкі лічыць, што менавіта адлюстраванне такіх глыбока патрыятычных тэм, як лёс нашых суайчынікаў у гады вайны, з’яўляецца неабходным у дзейнасці дадзенанага тэатральнага калектыву.
“Лялькі” – твор пра каханне, пра вернасць, пра жанчын і іх лёсы, якія былі зламаны вайной. Галоўныя гераіні – Вера, Надзея, Любоў – зусім юныя мамы. На іх долю выпалі нялёгкія выпрабаванні: мужы пайшлі на фронт, вораг прыйшоў у іх родную вёску. Маладзенькія мамы яшчэ і самі “Лялькі”, ды ужо з лялькамі на руках.
С.Л. Буевіч, метадыст ДУК “Централізаваная клубная сістема Шклоўскага района”
Фота аўтара