У сельскім Доме культуры аграгарадка Максімавічы Клічаўскага раёна ўжо добрай традыцыяй стала летам сустракаць землякоў
Якія з усіх куточкаў з’язджаюцца да роднага парога. У гэты год сустрэча адбылася 28 ліпеня.
Як часта кожны з нас успамінае месца, дзе рос, вучыўся, бегаў з сябрамі на вуліцы дапазна, дзе жылі і працавалі дзяды і бацькі, дзе дрэвы былі вялікія, дзе было ўсё зусім інакш, чым цяпер. І чым старэй становіцца чалавек, тым часцей ён хоча хоць на імгненне апынуцца на малой радзіме, каб надыхацца паветрам, каб узбагаціць душу і наталіць сэрца.
Урачыстасці з гэтай нагоды пачаліся на плошчы перад Домам культуры хвілінай маўчання па зямляках, якія загінулі на вайне. Потым усіх гасцей запрасілі пасадзіць елачкі, якія склалі алею вакол памятнага знака, устаноўленага у памяць першага ўпаміну вёскі Максімавічы (1499год).
У зале Дома культуры, дзе адбылося галоўная дзея свята, гучалі словы ўдзячнасці тым, хто не забывае сваю малую радзіму. Былі на вачах у прысутнічых слезы і радасці, і болю. На экране кадры змяняліся кадрамі таго далекага часу, калі ўдзельнікі сустрэчы былі яшчэ юнакамі. А песні, якія ліліся са сцэны, спяваў увесь зал. Гэта было не ўрачыстае свята, гэта была сапраўдная сустрэча землякоў: сардэчная, цеплая, душэўная. Жыхары і ўдзельнікі сустрэчы доўга развітваліся на пароге Дома культуры, але гэта развітанне не надоўга. Будучым годам усе абяцалі зноў сабрацца на сваей малой Радзіме.
Т.Ц. Астроўская, метадыст Клічаўскага Дома культуры
